Diálogo entre Konseho Insular i KOREL

Riba 17 di yüni 2025, a tuma lugá un diálogo entre Konseho Insular i KOREL. Durante e reunion, vários tema aktual i di urgensia ku ta importante pa e komunidat lokal i pa Karibe Hulandes den su totalidat a ser diskutí.

Un di e punto prinsipal tabata e preokupashon pa ku kriminalidat, ku ta resaltá pa motibu di un tenshon sosial den komunidat. A trata e desafionan ku e situashon aki ta trese i e nesesidat pa un kooperashon mas estrecho ku institushonnan di enseñansa i servisio sosial.

Aparte di kriminalidat, otro tópikonan relevante tambe a ser diskutí, manera enseñansa, plan di impuesto i WolBES (Lei di Órganonan Públiko Boneiru, Sint Eustatius i Saba).

Na final di e reunion, a papia tokante e prosedimentu pa pone sierto proposishon di lei komo "kontroversial" den konteksto di un gabinete demishonario. E importansia di krea un balansa, pa garantisá seguridat hurídiko i kontinuidat den gobernashon.

Ambos partido a eksperensia e diálogo komo habri, krítiko i konstruktivo. A akordá pa sigui ku e komunikashon i tene otro aktualmente informá tokante desaroyo i nesesidat konkreto di Boneiru.