Konseho Insular ta puntra opinion di komunidat tokante 15 aña di Entidat Públiko Boneiru
Diessinku aña pasá Boneiru a hasi un paso históriko: e transishon pa su struktura estatal aktual komo Entidat Públiko. For di e tempu ei nos isla a pasa den hopi desaroyo; riba e nivel sosial, ekonómiko i di gobernashon. Awor, 15 aña despues, Konseho Insular ke, huntu ku komunidat evaluá i wak pa dilanti.
Konseho Insular ta haña ku ta importante ku bos di pueblo ta sentral. P’esei ta invitá tur Boneriano pa kompartí nan opinion, eksperensia i deseonan.
Bo opinion ta konta!
Nos ke para ketu huntu ku komunidat na dos pregunta simpel, pero importante:
- Kon Boneiru komo Entidat Públiko a influensiá bo bida durante e último 15 añanan?
- Kiko bo ta spera pa futuro di nos isla?
Bo por manda bo kontesta riba e preguntanan aki di un manera fásil:
- WhatsApp (mensahe di bos òf mensahe skirbi) na: +599 790-5363
- E-mail na: communicatie@konsehoinsular.org
Por kontesta na Papiamentu, Hulandes, Ingles of Spañó. Tur partisipashon ta wòrdu prosesá kompletamente anónimo. E reakshonnan lo wòrdu usá eksklusivamente pa e evaluashon di e Konseho Insular.
