Konseho Insular ta sera konosí ku minister-presidente
Luna pasá Konseho Insular di Boneiru a sera konosí ku minister-presidente Rob Jetten durante su bishita na Boneiru. E kòmbersashon su tópiko prinsipal tabata konekshon i tabata parti di e biahe di sera konosí di e minister-presidente na e parti karibense di Reino.
Na nòmber di Konseho Insular a diskutí entre otro tópikonan ku ta di importansia pa poblashon boneriano, manera maneho di sushi (Selibon), kambio di klima i desaroyo teritorial di Boneiru, bou di kua Vishon di Struktura Boneiru i konsekuensianan di kresementu di poblashon. Tambe a trata merkado di bibienda, seguridat di kuminda i fasilidatnan di enseñansa. Durante e kòmbersashon algun miembro di Konseho Insular presente a entregá un petishon ku puntonan di atenshon i preokupashon komun.
Konseho Insular ta wak bèk riba un seramentu konosí konstruktivo i ta balorá e aktitut habrí i disponibilidat di e minister-presidente. Tambe e miembronan presente di Konseho Insular a entregá e minister presidente un muestra di apresio.