Kurso grátis: ‘Diskubri bo bos demokrátiko!’
Riba 18, 19, 20 i 21 di mei 2026, ta ofresé e kurso di orientashon grátis ‘Diskubri bo bos demokrátiko!’ na Boneiru. E kurso aki ta destiná pa tur hende ku ke kontribuí na desaroyo di Boneiru i ke siña mas tokante kon ta tuma desishonnan riba e isla. E kurso aki ta na Hulandes i Papiamentu, i partisipashon ta grátis.
Kon ta hasi eskohonan importante pa Boneiru? Ken ta tuma desishonnan, i kon abo mes por hunga un ròl den esei? Partisipantenan na e kurso lo risibí kontestan riba e preguntanan aki i hopi mas. Banda di esei lo tin un rekorrido den Passangrahan, i partisipantenan lo hiba kombersashon ku miembronan di Konseho Insular. Esaki ta krea un bista konkreto i realístiko di kon tumamentu di desishon ta funshoná den práktika.
Programa
E kurso ta konsistí di kuater seshon, den oranan di 6’or di anochi (yegada) pa 9’or di anochi (konklushon):
Djaluna 18 di mei – Seshon 1: Reino Hulandes
- Kon Reino Hulandes ta wòrdu goberná?
- Kiko ta e lugar di Entidat Publiko di Boneiru dentro di esaki?
Djamars 19 di mei – Seshon 2: Entidat Publiko di Boneiru
- Kon Entidat Publiko Boneiru ta funshoná?
- Kon por influensiá tumamentu di desishon di Entidat Publiko di Boneiru?
Djaweps 20 di mei – Seshon 3: Konseho Insular di Boneiru
- Kua ta e tareanan i ròlnan di Konseho Insular di Boneiru?
- Konosementu básiko di finansanan di Entidat Publiko di Boneiru
Djabièrnè, 21 di mei – Seshon 4: Rekorrido i reunion
- Tour den Passangrahan
- Reunion ku miembronan di Konseho Insular
Bo ke komprondé mas tokante kon Boneiru ta desaroyá i kon abo por aportá? Inskribí bo mes e ora ei pa ‘Diskubri bo bos demokrátiko!’
Por registrá via: bit.ly/4vFu3A0
E kurso aki ta wòrdu ofresé dor di Konseho Insular di Boneiru i proveé dor di ProDemos – Kas pa Demokrasia i e Estado di Derecho. E kurso ta posibel en parti dor di Ministerio di Asuntunan Interno i Relashonnan den Reino.