Saserdotenan di Bisdom Willemstad den kombersashon ku gezaghebber

Saserdotenan di Bisdom Willemstad a bishitá Passangrahan pa un kombersashon ku gezaghebber John Soliano. 

Nan tabata na Boneiru pa nan konferensia anual di saserdote. E aña aki, Boneiru tabata anfitrion di e konferensia.

Durante e enkuentro a papia tokante diferente temanan sosial, entre otro pobresa entre personanan di edat. E kombersashon a duna oportunidat pa trata e preokupashonnan aki ku e gezaghebber.

Bisdom Willemstad ta enserá e komunidatnan katóliko di Aruba, Boneiru, Kòrsou, Sint Maarten, Sint Eustatius i Saba.