Sint Eustatius i Boneiru a tene un bilateral na Hulanda

Ku invitashon di maneho di e dos islanan, Sint-Eustatius i Boneiru a tene un enkuentro bilateral na Hulanda riba dia 19 di yüni 2025. E reunion tabata enfoká riba un kooperashon fuerte entre e dos islanan i desaroyá areglonan komun.

Durante e diálogo, vários temanan stratégiko i organisatorio a keda trata, entre otro:

  • Elaborashon riba e dokumento adaptá pa e areglo komun;
  • Struktura di maneho: formashon di un maneho diario i general
  • Preparashon pa establesé un entidat públiko nobo ku personalidat hurídiko;
  • Planifikashon finansiero i presupuesto, inkluso e kostonan pa funda un “BES-Huis”;
  • Uzo di asesoria eksterno pa proseso di selekshon i kontratashon di personal klave;
  • Planifikashon di siguiente reunionnan i e fecha proponé pa finalisá e proseso formal      kual ta febrüari 2026.

Ambos delegashon a enfatisá e importansia di un kooperashon struktural i kompartí konosementu entre e islanan, esaki ku rèspèt mutuo i interes komun.

E próksimo bilateral ta plania pa 4 di sèptèmber 2025, en konekshon ku e kumbre BES.