Konseho Insular di Boneiru ta felisitá Sint Maarten riba dia di Sint Maarten
Een delegatie van de Eilandsraad van Bonaire is afgereisd naar Sint Maarten om deel te nemen aan de viering van Sint Maarten Day, die jaarlijks op 11 november wordt gevierd.
E delegashon ta konsistí di e siguiente miembronan di Konseho Insular: B. Dirksz, C. Vrolijk, D. Coffie, R. Hellburg-Makaai, D. Crestian i griffier.
Na nòmber di Konseho Insular, e delegashon di Boneiru ta ekstendé palabranan di felisitashon di kurason na gobièrnu i pueblo di Sint Maarten. Dia di Sint Maarten ta un momentu importante pa selebrá kultura, historia i union di e isla.
Konseho Insular ta enfatisá ku e bishita aki tambe ta den kuadro di fortalesé e relashonnan i kooperashon entre e islanan den Reino Hulandes. Interkambionan asina ta kontribuí na un mihó komprondementu di e retonan i oportunidatnan di otro, i ta promové e konekshon entre e islanan.
E delegashon ta apresiá e bon biní kaluroso na Sint Maarten i ta ekspresá e speransa ku e kontaktonan aki lo sigui kontribuí na un kooperashon duradero i amistat entre Boneiru i Sint Maarten.